Një hipotezë mjaft interesante është ngritur nga fansat e Elvana Gjatës, të cilët thonë se këngëtarja do të përfaqësojë një tjetër shtet në festivalin “Eurovizionit”.
Sipas tyre Elvana është e përzgjedhur nga shteti i San Marino-s dhe ata këtë vit do të përfaqësohen nga artistja shqiptare.
Por burime pranë këngëtares u shprehën për Anabel.al se “nuk është e vërtetë që Elvana ka marrë një ftesë”.
Madje Elvana është “po aq e surprizuar sa vetë ndjekësit” për këtë lajm.
Deri në këto momente, e gjitha mbetet thjesht një dëshirë e fansave për ta parë këngëtaren në Eurovizion, pasi nuk arriti të marrë çmimin e parë në Festivalin e Këngës që do ta dërgonte menjëherë në festivalin europian për të përfaqësuar Shqipërinë.