Këshilli Bashkiak Bulqizë shpalli “Qytetar Nderi” Prof. Dr. Mustafa Xhanin. Në cermoni ishin këshilltarë, qytetarë e miq të Profesor Xhanit. Cermoninë e përshëndeti Nënkryetarja e Bashkisë Enkelejda Lleshi . Titullin “Qytetar Nderi” e dorëzoi Kryetari i Këshillit Bashkiak Dr. Gëzim Xhafa. Një fjalë përshëndetëse e mbajtën dhe ish-ministri Prof.dr. Ahmet Kamberi dhe nga Martaneshi Profesor Zenel Gjoni.
Prof. Dr. Mustafa Xhani nga viti 1992-2018 ka mbajtur pozicionin Shef i Departamentit të Urologjisë në Qendren Spitalore Universitare “Nënë Tereza”.
Pedagog në Fakultetin e Mjekësisë dhe përgjegjës për lëndën e Urologjisë. Në vitet 2002 – 2003 Mustafa Xhani ka qenë dhe ministër i Shëndetësisë. Mjeku i njohur është dhe djali i Baba Fajës, ish-komandantit të Çetës Partizane të Martaneshit. /tirananews.al
