Kryebashkiaku i Bulqizës, Lefter Alla është thirru sërish në prokurori, teksa dje dëshmoi mbi videon e publikuar ku konsumonte kokainë në banakun e një lokali.
SPAK ndërkohë mësohet se i ka kërkuar kryebashkiakut t’i nënshtrohet testit të drogës. Për të kryer këtë procedurë, Alla duhet të paraqitet e Institutin e Mjekësisë Ligjore, për t’i marrë kampion gjaku dhe urine, me qëllim kryerjen e ekspertimit mjeko-ligjor, që do të vërtetojë nëse Alla është konsumues droge ose jo. Kjo ekspertizë do të jetë baza e kësaj çështje penale dhe që mund të shtyjë prokurorët të ngrenë akuzë për kryebashkiakun e Bulqizës Lefter Alla.
Hetimet nisën pas publikimit të videos nga gazetari Artan Hoxha e më pas reagimet e Partisë Demokratike për shkarkimin e tij.
Për këtë të fundi, Alla tha se do të padisë ish deputetin e PD-së, Ervin Salianji. Ndërkohë Partia Socialiste është distancuar nga Alla duke e konsideruar si përgjegjësi personale të tij.