KLP ka caktuar prokurorët e përkohshëm të rretheve, nga Shkodra në Sarandë. Në mbledhjen e kësaj të hëne u vendos për shtatë drejtues të prokurorive pranë gjykatave të shkallës së parë dhe atyre të Apelit.
Konkretisht emërimët vijojnë si më poshtë:
1-Miratohet me 11 vota pro projektakti “Për caktimin e përkohshëm te Brahim Dragjoshi në pozicionin e Drejtuesit Prokurorisë pranë Gjykatës së Apelit Shkodër.
2-Miratohet me 11 vota pro projektakti “Për caktimin e përkohshëm te Albert Murçaj në pozicionin e Drejtuesit të Prokurorisë të Gjykatës së Shkallës së Parë Shkodër” nga 27.01.2020 deri me 26.04.2020.
3-Miratohet me shumicë votash projektakti “Për caktimin e përkohshëm te Lorenc Mërkuri në pozicionin e Drejtuesit Prokurorisë pranë Gjykatës së Shkallës së Parë Sarandë.
4-Miratohet unanimisht projektakti “Për caktimin e përkohshëm te Erion Çela në pozicionin e Drejtuesit Prokurorisë pranë Gjykatës së Shkallës së Parë Vlorë.
5-Miratohet me 11 vota pro projektakti “Për caktimin e përkohshëm te Ludovik Doda në pozicionin e Drejtuesit Prokurorisë pranë Gjykatës së Apelit Durrës.
6-Miratohet projektakti “Për caktimin e përkohshëm në pozicionin e prokurorit Lazër Çardaku në Prokurorinë pranë Gjykatës së Apelit Shkodër.
7-Miratohet me 11 vota pro projektakti “Për caktimin e përkohshëm te Afredita Ndoi në pozicionin e prokurorit Prokurorisë pranë Gjykatës së Apelit Durrës.