Pas publikimit në tirananews.al të denoncimit të një prej anëtarëve të këtij këshilli Tartar Bazaj për ndërhyrje në postën e tij, Bazaj ka nisur një tjetër letër kryetarit të këtij institucioni, Gent Ibrahimi ku liston një sërë problematikash të mëdha (siç i quan Bazaj).
Anëtari i KLP-së që vjen nga radhët e avokatisë denoncon në letrën e tij të siguruar nga tirananews disa parregullsi në këtë institucion.
Bazaj, letra e parë e të cilit u bë virale, pasi kërkonte me insistim kartolinat e humbura, në letrën e tij të dytë i kërkon Ibrahimit që “nafta e mjeteve shpërndahet me nga 10,15,20 litra në kundershtim me Vendimin e KLP dhe nuk na jepet limiti prej 150 litrash ne muaj.”
“-Përse nuk më vihen në dispozicion as kartolinat e vitit të ri.”-shkruan përsëri anëtari i KLP Bazaj, duke vijuar me këmbëngulje të madhe edhe në këtë letër, ta rendis humbjen e kartolinave të Vitit të Ri si problem madhor institucional në radhët e KLP-së.
“Gjithashtu dua të theksoj se disa veprime janë të paligjshme dhe në kundërshtim me parimet e procedures së administrates publike dhe që cënojnë rëndë interesat e mia dhe të drejtat themelore kushtetuese. Mbrojtja gjyqësisht nga diskriminimi do të jetë rruga më e drejtë për të cilën po përgatitemi gjatë ditëve në vijim.Ky Këshill nuk i perket askujt, por është pasuri kombëtare dhe ne nuk jemi askush,por vetëm shërbëtor të këtij kombi”, shkruan Tartar Bazaj.
LETRA E PLOTË:
