Sot pasdite në fshatin Sopot të Bulqizës i është dhënë lamtumira e fundit 33 vjeçares Manjola Cuku (Lika).
Qindra banorë të zonës dhe të afërm kanë ngushëlluar prindërit e gruas së masakruar nga bashkëshorti Lulzim Cuku, mesnatën e një dite më parë.
Të përlotur ata kanë mallkuar pa fund autorin e krimit dhe kanë kërkuar ndëshkimin të rëndë për Lulzim Cukun nga organet e drejtësisë.
“Vajza jonë, u shprehën banorët e Sopotit, nuk e meritonte këtë fund tragjik. Familja Lika gëzon respekt në të gjithë zonën. Janë njerëz punëtor, të ndershëm e bujarë. Njerëzit që vrasin gratë nuk janë burra”.