Ambasadorja amerikanë, Yuri Kim, nxit të gjitha palët politike të qëndrojnë në tryezë dhe të përfundojnë brenda afateve të përcaktuara reformën zgjedhore.
Gjatë takimit të saj sot me kryetarin e PD, Lulzim Basha, Ambasadorja gjithashtu konfirmoi mbështetjen e Shteteve të Bashkuara për institucionet dhe praktikat demokratike në Shqipëri.
Vetë Basha pas takimit me Yuri Kim, paralajmëroi se do të ketë zhvillime të reja politike.
Lulzim Basha: Dita e zhvillimeve politike sot dhe atyre që do të vijnë do të jetë plot me lajme, me prioritete, me zhvillime. Për një gjë ju siguroj, se gjithçka që po bëhet po bëhet për t’i shërbyer një qëllimi që shkon përtej Partisë Denokratike dhe opozitës, qëllimi për t’u dhënë shqiptarëve një rrugë shprese dhe dalje nga kriza. Kështu që në këtë kuptim ndjehem i inkurajuar nga takimet sot dhe do të vazhdoj t’ju mbaj të informuar.