Fatura zyrtare e dëmeve nga tërmeti i 26 nëntorit shkon në 985 milionë euro dhe shifra u bë publike nga ministri Blendi Çuçi gjatë konferencës së përbashkët për shtyp me ambasadorin e BE-së Luigi Soreca. Ndërkohë shifra zyrtare publikohet para konferencës së donatorëve që do të mbahet shumë shpejt.
“Nga tërmeti tragjik i 26 nëntorit u prekën 202291 persona nga 11 bashki të vendit. Një kontribut i madh erdhi nga miqtë ndërkombëtarë. Vetëm një javë pas tërmetit qeveria kërkoi mbështetjen e BE-së, OKB-së dhe BB për një proces për të identifikuar dëmet dhe nevojat. 60 ekspertë të huaj dhe vendas dhe zyrtarë shqiptarë e përfunduan raportin në 30 janar. Është punuar me ritëm të lartë. 50 mijë ndërtesa verifkuan dhe u verifikuan 100% ndërtesat me rrezikshmëri të lartë. U zhvilluan edhe katër anketa për nevojat socio-ekonomike. Dëmet janë 98.574.906”.
Në fund të vitit të kaluar, me kërkesën e Qeverisë së Shqipërisë, Bashkimi Evropian, Kombet e Bashkuara dhe Banka Botërore u angazhuan të kryejnë së bashku një vlerësim gjithëpërfshirës të pasojave, ndikimeve dhe nevojave që vijnë nga tërmeti i 26 nëntorit.
Katastrofa natyrore i kushtoi Shqipërisë jetën e 51 personave dhe la të paktën 14,000 banorë pa shtëpi. Qindra ndërtesa kanë pësuar dëme serioze.