Kritikave nëpër media në lidhje me vendimin qeveritar për ngritjen e njësisë anti-KÇK, kryeministri Edi Rama u përgjigjet në Tëitter, duke theksuar se ata janë kthyer befas në avokatë gjynahqarë të krimit.
Rama thotë se qeveria është e angazhuar në ofensivën më shembullore kundër krimit në historinë e vendit, ndërsa komentatorët sipas tij, mblidhen në sallone televizive për të mbrojtur krimin nga qeveria.
Postimi i kryeministrit në Tëitter:
A janë njerëz këta a ça janë?”, më shkruan një qytetar i tronditur nga komentet e studiove televizive kundër paketës antiKÇK! Eh, kanë kaq kohë që shajnë, akuzojnë, shpifin për lidhjet e qeverisë me krimin dhe mblidhen në sallonet tv sa herë ndodh një vrasje, duke sulmuar qeverinë.
Njerëz janë njerëz, po janë armiqësuar me të vërtetën, me faktet e me vetë profesionin e tyre për inat të qeverisë! Dhe janë kaq qorrazi kundër qeverisë, sa tani janë kthyer befas në avokatë gjynahqarë të krimit, që po lënë kokrrën e namit me dokrrat e dembelizmit të tyre mendor
Sot që qeveria është angazhuar në ofensivën më shembullore kundër krimit në historinë e vendit, mblidhen në sallonet tv për të mbrojtur krimin nga qeveria që po shkel të drejtat e atyre, të cilët deri dje pa pikën e turpit, i lidhnin me mua, me PS e me çdo fitore elektorale të PS.