“Pop Culture” kishte përgatitur sot një eksperiment social përsa i përket faktit sesi reagojnë shqiptarët kur përballen me persona që ushtrojnë dhunë.
Moderatorja Kejli kishte inskenuar një zënkë me partnerin në rrugë, ku është parë se shumë njerëz nuk kanë reaguar aspak.
Të ftuar në studion e Pop Culture, Anaid Kaloti dhe Ina Gjonçi, janë shprehur mjaft të indinjuar ndaj këtij momenti.
“Ne reagojmë dhunshëm ndaj gave se na bën më të fortë, jo unë mendoj që një mashkull mund të dhunojë një femër ndërsa një burrë i vërtetë s’do të dhunonte kurrë. Ne me njëri tjetrin solidarizohemi vetëm kur komshiut i duhen karrige se i vdes dikush. Shqiptarët e kanë humbur shpresën nuk duan më njeri”- ka thënë Anaidi.
Më tej Kejli ka treguar e përlotur në studio se njerëzit nuk ndalonin madje shumë bashkëmoshatarë qeshnin teksa e shihnin që dhunohej dhe nxirrnin telefonin të bënin video. Ka qenë kjo fjali e cila ka përlotur jo vetëm Kejlin por edhe Anaidin.