Këngëtarja e mirënjohur e muzikës popullore, Artjola Toska ka humbur babain e saj.
Pak orë para se të mbahej koncerti i Bashkisë së Tiranës ku ajo ishte e ftuar, i ati i saj ndërroi jetë pas një sëmundjeje nga e cila vuante prej kohësh.
Pas kësaj ngjarjeje të rëndë, Arbana Osmani ka shkruar një mesazh të ndjerë për këngëtaren, e cila këtë të shtunë është pjesë e emisionit “Dua të të bëj të lumtur”.
Arbana thotë se të shtunën, këngëtarja do të shfaqet e lumtur, por me zemër të thyer.
“Ngushëllimet e mia më të sinqerta për humbjen e babait, mikeshës dhe artistes me zemër të madhe. Pak ditë më parë regjistruam bashkë programin ku Artjola zgjodhi të ishte e pranishme për t’i dhënë dikujt një mesazh shprese ndërsa babi i saj ishte shumë sëmurë. Të shtunën do ta shihni në ekran të buzëqeshur por unë e di që zemra e saj dhemb ashtu siç ndodh shpesh me artistët që para publikut që i do, fshehin lëndimet personale dhe janë gati të argëtojnë dhe të çojnë misionin e tyre deri në fund. Faleminderit Artjola, je e rrallë”, shkruan moderatorja.
