Prej kohësh në media u përfol për një video kompromentuese të ambasadorit të BE-së Luigi Soreca dhe zv. ministres së brendshme Romina Kuko. Kjo e fundit ka reaguar dhe më herët ndaj lajmeve dashakeqe duke thënë se “zërat lart e poshtë janë një godite nën brez”, por vetë Soreca nuk kishte reaguar deri më sot.
I ftuar në emisionin “Open” në Top Channel, Soreca foli për herë të parë për këtë çështje.
““Nuk reagova publikisht sepse nuk doja t’i jepja rëndësi lajmeve të rreme. Këto janë të këqija, shpifje. Ata që shpërndajnë lajme të rreme, pas disa kohe kjo sjellje e keqe u shkon kundër.”, u shpreh Soreca.
Ai iu përgjigj dhe akuzave për korrupsion. “Më lejoni të them një gjë e nuk do të spekuloj. Nuk jam dakord me ata që akuzojnë kolegët me korrupsion. Një ambasador është institucion dhe përgjigjet që jepen, jepen në formë institucionale. Ne flasim në emër të institucionit, jo vetëm unë por çdo ambasador tjetër. Çdo gjë që bëjmë këtu monitorohet. Dua që kjo të jetë tejet e qartë. Pra ne monitorohemi.”, tha Soreca.