Për herë të parë në një post qeveritar, atë të zv/kryeministrit, Erion Braçe, përballet me sfida të shumta. I ftuar në emisionin “Repolitix” në Report Tv ai foli për anulimin ekoncesionit Thumanë-Kashar, ku tregoi dy arsyet e vërteta të tërhoqjes nga kontrata.
“Qeveria u tërhoq pak ditë më parë nga partneriteti publik privat për ndërtimin e aksit rrugor Thumanë-Kashar, një projekt prej 225 milionë eurosh. Ministrja e re e Infrastrukturës u shpreh se fondi i përcaktuar për këtë aks do të vendoset në funksion të “Paktit për Universitetin”. Por zv/ kryeministri Erjon Braçe dha sonte në Repolitix dy arsye të tjera të ndërprerjes së kontratës. “Nuk është tërhequr qeveria, është ndërprerë procedura. Kjo kontratë nuk u arrit fare në kontratë… U tërhoqëm për dy arsye; e para se ishte i shtrenjtë, e dyta se cdo kompani nuk mund të gënjejë më qeverinë e Shqipërisë. Ajo që ka ndodhur me procedurën e prokurimit të njërit lot të Unazës së Re është e patolerueshme. Për aksin Thumanë-Kashar ka një rrugë paralele dhe e dyta, kompanitë duhet të harrojnë se mund të zhvillojnë praktika si ajo” tha ai.