Botuesi dhe pronari i UET-së Henri Çili sapo ka dalë sot para togave të zeza në Përmet dhe pritet që ndaj tij të jepet masa e sigurisë. Me pranga në duar, ai del nga furgoni i Policisë, i rrethuar nga disa efektivë dhe futet në ambinetet e gjykatës së Përmetit.
Botuesi akuzohet për 6 vepra penale, ku më e rënda është ajo e ushtrimit të ndikimit tek gjyqtarët për të liruar Arbion dhe Alban Aliko, dy lazaratasit e dënuar për vrasjen e efektivit të RENEA-s në Lazarat, Ibrahim Basha. Po kështu e përfshirë në dosje është edhe Marina, vajza e këngëtares Eli Fara, pasi ndihmoi dy nga të ndaluarit t’i shpëtonin policisë. Në shtëpinë e saj, policia ka ushtruar kontroll dy ditë më parë.