Presidenti Meta do të mbajë një konferencë shtypi një ditë para manifestimit të 2 marsit në Tiranë për mbrojtjen e Kushtetutës. Zëdhënësi i Presidentit, Tedi Blushi paralajmëron se sot në orën 18:30 Meta do të denoncojë një krim të tmerrshëm kushtetues.
Pas kreut të KED Ardian Dvorani dhe ministres Etilda Gjonaj nuk dihet se çfarë do të nxjerrë kësaj radhe Presidenti, i cili po nesër mban manifestimin më 2 mars në bulevardin ”Dëshmorët e Kombit” në Tiranë ku ka paralajmëruar se do të firmosë edhe një dekret, por nuk dihet se çfarë.
STATUSI I TEDI BLUSHIT
Të dashur kolegë gazetarë,
Sot në ora 18:30, Presidenti i Republikës Sh.T.Z Ilir Meta do të japë një konferencë shtypi për të denoncuar para të gjithë popullit shqiptar një krim të tmerrshëm kushtetues!