Një zjarr i madh ka përfshirë një banesë në lagjen nr.5 të qytetit. Zjarri ka rënë në një nga dhomat e banesës trekatëshe ku banonin tre studente.
Fatmirësisht nga ky incident nuk ka pasur të lënduar pasi të gjithë kanë mundur të largohen nga banesa. Në vendin e ngjarjes kanë shkuar forca të shumta zjarrfikësish të cilët kanë bërë të mundur shuarjen e flakëve duke parandaluar përhapjen e tyre në të gjithë banesën.
Nga zjarri ka pasur dëme të mëdha materiale. Dyshohet se shkaku i këtij zjarri të ketë ardhur nga një ngrohëse elektrike.