Greg Rama humbi nga tërmeti të fejuarën e tij Kristi Reçi, një lajm që u pasyrua gjerësisht në media dhe që vetë Gregu ka folur në një intervistë për herë të parë. Ai thotë se Kristi ka qenë një mikeshë dhe më shumë se kaq. Dhe pse thotë se i mirëkupton portalet, i vjen keq që në shumë raste është neglizhuar pjesa që shpirti i saj dhe atyre që ikën bashkë me të, të lihet i qetë.
“Kristi ka qenë një mikeshë dhe më shumë se kaq. E gjithë kjo histori portalesh, lajmesh…në rregull, unë e mirëkuptoj. Nuk ka qenë aspak me qëllime të këqija, por më vjen keq që në shumë raste është neglizhuar pjesa që shpirti i saj dhe i atyre që ikën bashkë me të, të lihet i qetë. Nuk janë lënë të qetë në shumë raste dhe për këtë më vjen keq. Më vjen shumë keq. Tani ajo histori ka kaluar dhe nuk e kthejmë dot më fatkeqësisht, por më vjen po aq keq kur sa herë ju jepet mundësia të komentojnë”, thotë Gregu në intervistën për Euronevvs Albania, ku ka folur për instalacionin e tij të fundit “Ex Nihilo”, që nga latinishtja do të thotë “Nga asgjëja” e ku pranon se frymëzim ka qenë dhe tërmeti.