Parlamenti turk u përfshi nga një sherr masiv mes deputetëve, gjatë seancës plenare. Plasën keq grushtet, pasi një deputet i opozitës akuzoi presidentin Erdogan për “mosrespektim të ushtarëve turq që vdiqën në Siri dhe për papërgjegjshmëri për dërgimin e trupave në konflikt pa mbulim nga ajri”.
Sipas mediave të huaja, dhjetëra parlamentarë u përfshinë në një përleshje të dhunshme , ku nuk munguan as grushtet. Shumë të tjerë u munduan të qetësonin situatën, duke u përpjekur t’i ndanin.
Kryetari i Parlamentit, Mustafa Sentop dënoi deklaratën e deputetit të opozitës, ndërsa ndaj tij nisi një hetim për “fyerje ndaj presidentit”.