Një ngjarje e rëndë e dhunës në familje mësohet të ketë ndodhur në qytetin e Durrësit.
Një person ka tentuar të vrasë gruan e tij gjatë një konflikti në banesën e tyre në Lagjen 13 të qytetit të Durrësit.
Burri me inicialet A.H, rreth 40 vjeç ka qëlluar gruan e tij me dërrasë në kokë dhe më pas e ka hedhur nga ballkoni i katit të dytë, mëson newsbomb.al. Më pas ai ka tentuar të kryejë vetëvrasje duke u varur në litar, por është shpëtuar në kohë nga një prej fqinjëve që ka ndërhyrë duke prerë litarin.
E gjithë ngjarja tronditëse ka ndodhur të sytë e dy vajzave të çiftit.
Mësohet se gruaja është transportuar drejt spitalit të Durrësit në gjendje kritike, ndërsa në vendin e ngjarjes kanë mbërritur forca të shumta policie.