Gjithë bota është përfshirë nga paniku i prekjes nga koronavirusi dhe shqiptarët kanë marra masa menjëherë, sidomos pasi virusi vdekjeprurës u përhap edhe në Italinë fqinje.
Institucionet përkatëse deklarojnë se pavarësisht se ka pasur raste të dyshuarish, ata kanë rezultuar negativë dhe nuk ka anjsë të prekur, Madje nga kjo janë habitur edhe ekspertët.
“Pse nuk ka ardhur koronavirusi ende në Shqipëri?”, është kjo pyetja që po bëjnë të gjithë. Por, Ermal Mamaqi duket se e ka një përgjigje lidhur me këtë.
Nisur nga një histori e vërtetë, Ermali ka ndarë një video në rrjet, ku shkruan: “Zbulohet arsyeja pse nuk ka Virus në Shqipëri”. Natyrisht, nuk mund të mungonte humori as këtë herë, e ‘rrëfimi’ i Mamaqit i përshtatet më së miri çdo shqiptari.
Një bisedë në telefon, situatë tipike që mund ta dëgjosh në çdo linjë të transportit urban në Tiranë, ku bashkëbiseduesi i thotë tjetrit: “Jam me 40, kam një javë, kam ardhur nga Italia, jam shumë keq…”, siç thekson dhe Ermali, “çdo simptomë e mundshme” e koronavirusit.
Por, pavarësisht të gjithave, personi në fjalë refuzonte të kryente vizitë mjekësore. “Nuk shkoj të kontrollohem, të më kapin atje”. Një histori e tillë, që Ermali e ka treguar në një tryezë me miq, ka shkaktuar të qeshura, e jo më kot. Videon e plotë e gjeni më poshtë.