Drejtori i klubit të Partizanit Olsi Rama uroi tifogrupin e ultrasve të skuadrës së kuqe “Ultras Guerrils” për 10-vjetorin e themelimit të tyre.
Në një postim në rrjetet sociale, zyrtari i kampionëve të Shqipërisë i quan ultrasit e Partizanit si “kampionët tanë”.
Kjo festë vjen në një moment kritik të skuadrës kampione të Shqipërisë pasi ndodhen 12 pikë larg vendit të parë në kampionët, që mbahet nga Tirana si dhe për momentin ndodhet jashtë zonës së kompeticioneve europiane.
Pas humbjes në derbi me Tiranën me rezultatin e thellë 5-1 dhe asaj me Teutën 0-1, shumë tifozë të Partizanit kanë ngritur zërin kundër klubit duke i fajësuar për merkaton e dështuar dhe menaxhimin e gabuar. Më tej, është shprehur hapur dhe kërkesa për dorëheqje për drejtorin e klubit Olsi Rama.