“Po të dëgjoj”, quhet rubrika e re e kryedemokratit Lulzim Basha ku poston në rrejtet sociale video teksa takon qytetarë dhe zhvillon me ta biseda politike.
Së fundmi Basha ka vizituar tre familje në Tiranë, e teksa ka dëgjuar shqetësimet që ata kanë, i ka pyetur edhe për këshillat që mund t’i japin atij.
“Për vizitë në familjet e Nikos, të Gëzimit dhe të Ilirit, te cilët jetojnë në të njëjtin pallat dhe ndajnë të njëjtat halle: ekonomi e dobët, papunësi e lartë dhe emigrim masiv. Me problemet e tyre përballet sot pjesa më e madhe e familjeve shqiptare. Pasi dëgjova me vëmendje shqetësimet e tyre, i sigurova ata se ne i kemi të gjitha mundësitë për një jetë më të mirë këtu në Shqipëri! Për këtë na duhet një ndryshim i madh në qeverisje, në botëkuptim dhe në prioritete për ta vënë në jetë këtë potencial të jashtëzakonshëm që do të garantojë kushte më të mira ekonomike për familjet shqiptare dhe do t’i japë fund largimit masiv nga vendi”, shkruan Basha në rrjetet sociale.
VIDEO: