Teksa fliste për masat e ndërmarra në kuadër të minimizimit të përhapjes së koronavirusit, Fevziu tha se pronari i një nigh-klubi i ka thënë se duhet t’i vijë turp gazetarit që kërkon mbylljen e biznesit.
Gazetari Blendi Fevziu ka shprehur publikisht se ka marrë një mesazh nga pronari i një night klubi, pas thirrjes që ka bërë për mbylljen e bizneseve. Teksa fliste për masat e ndërmarra në kuadër të minimizimit të përhapjes së koronavirusit, Fevziu tha se pronari i një nigh-klubi i ka thënë se duhet t’i vijë turp gazetarit që kërkon mbylljen e biznesit.
“Më shkruan pronari i një night-klub dhe më thotë ‘të të vijë turp që kërkon mbylljen e bizneseve, po na prish punë’, në fakt turp t’i vijë atij që për dye kë të qelbura do infektojë gjithë ato njerëz. Shkruan edhe disa fjalë të tjera, por përgjigjen e atyre do ta marrë më mirë,”- tha Fevziu.
Ndërkohë, bilanci i COVID-19 në Shqipëri është 11 të infektuar dhe 1 i vdekur. Viktima është pacientja e moshuar në Durrës ka ndërruar jetë. Në Tiranë janë 10 pacientë të cilët kanë lidhje nga rasti ‘0’, ndërkohë rasti i Lushnjes është i veçuar dhe me historik udhëtimi Italinë. Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në 127 dhe të mos shkojnë direkt në spitale. Qeveria ka marrë një sërë marash shtrënguese kundër koronavirusit, duke mbyllur shkolla e universitetet, pube-t, palestrat dhe ka ndaluar të gjitha grumbullimet masive si konferenca, aktivitete sportive e kulturore. Autoritetet bëjnë thirrje që qytetarët të qëndrojnë në shtëpi dhe të evitojnë takimet me njerëz të tjerë.