Moderatorja Fiori Dardha ka publikuar në foto që siç duket e ka shkrepur nga ballkoni i shtëpisë së saj. Duket mjaft qartë turma e njerëzve të mbledhur, ndërkohë që ndeshjet që po luhen janë Liverpool-Atletico Madrid dhe Paris Saint-Germain-Borussia Dortmund.
Edhe pse në Shqipëri koronavirusi tashmë ka marrë një jetë dhe ka prekur 15 persona të tjerë, bashkëqytetarët tanë ende e mbajnë kokën lart nga trimëria dhe janë sulur kafeneve për të parë ndeshjet. Moderatorja Fiori Dardha ka publikuar në foto që siç duket e ka shkrepur nga ballkoni i shtëpisë së saj. Duket mjaft qartë turma e njerëzve të mbledhur, ndërkohë që ndeshjet që po luhen janë Liverpool – Atletico Madrid dhe Paris Saint-Germain – Borussia Dortmund.
“Zot na ruaj, po shohin ndeshjen,”- shkruan Dardha krah fotos.
Ndërkohë, bilanci i COVID-19 në Shqipëri është 15 të infektuar dhe 1 i vdekur. Viktima është pacientja e moshuar në Durrës ka ndërruar jetë. Në Tiranë janë 10 pacientë të cilët kanë lidhje nga rasti ‘0’, ndërkohë rasti i Lushnjes është i veçuar dhe me historik udhëtimi Italinë. Ministria e Shëndetësisë u ka bërë thirrje të gjithë qytetarëve të tjerë që të ruajnë qetësinë, ndërkohë ata që kanë udhëtuar nga vende të prekura dhe ndiejnë simptoma të ngjashme me gripin, të telefonojnë në 127 dhe të mos shkojnë direkt në spitale. Qeveria ka marrë një sërë marash shtrënguese kundër koronavirusit, duke mbyllur shkolla e universitetet, pube-t, palestrat dhe ka ndaluar të gjitha grumbullimet masive si konferenca, aktivitete sportive e kulturore. Autoritetet bëjnë thirrje që qytetarët të qëndrojnë në shtëpi dhe të evitojnë takimet me njerëz të tjerë.
