15 Marsi ishte një datë e rëndësishme në kalendarin e politikës shqiptare, pasi ishte vendosur si afat për arritjen e konsensusit për Reformën Zgjedhore, ndërsa Presidenti Ilir Meta e kishte lënë si ultimatum për qeverinë që të tërhiqej nga ligji për betimin e gjyqtarëve dhe prokurorëve (PS-ja tha se do të presë Venacian), që i hiqte kompetencat në të kundërt do të shpërndante parlamentin, por asnjëra nga të dyja nuk ndodhi.
Politika ndodhet në karantinë nga koronavirusi që u preku edhe vendin tonë duke ndryshuar rrjedhën e ngjarjeve.
Ndërkohë që këtë ditë, pra 15 marsin kreu i shtetit e mbyll me një mesazh për mjekët duke u shprehur se jemi së bashku për të mbrojtur shëndetin e çdo qytetari! “Falenderim dhe mirënjohje të thellë! Përkushtimi dhe profesionalizmi i mjekëve dhe infermierëve është shpresë për të gjithë. Shërim të shpejtë të prekurve nga virusi dhe solidaritet me familjet e tyre! Së bashku për të mbrojtur shëndetin e çdo qytetari” shkruan Meta.