Ish-deputetja demokrate Albana Vokshi i është përgjigjur kryeministrit Edi Rama i cili tha se qeveria nuk do të nxjerrë asnjë vendim për ndërprerjen e punës në fabrika dhe sipërmarrje të tjera të zinxhirit prodhues. Ajo i bën thirrje kryeministrit që të ndërpresë koncesionet në shëndetësi, sipas saj, abuzive për të përballuar këtë situatë.
“Milionat vertetë nuk bien nga qielli, siç thotë Edi Rama, por edhe tek Vilma Nushi nuk ka pse i çon. Nëse ka vullnet, Edi Rama ka ku i gjen paratë për të përballuar krizën. Ligji parashikon mundësinë që kontrata e koncesionit korruptiv dhe të padobishëm e checkup-it të ndërpritet në raste epidemish.Po kështu të gjitha kontratat e ngjashme abuzive të shëndetësisë, që nuk u shërben qytetarëve, duhen ndêrprerë! Jemi në një superepidemi, në një pandemi globale, por Edi Rama vazhdon të zvarritet, që t’i japë sa më shumë miliona të mundet Vilmës dhe ortakëve të tij! Ja ku i ke lekët! Varu tani nga këmbët në Sheshin Skënderbej!” thotë Vokshi.