Në një deklaratë të përbashkët, kryetari i Komisionit Evropian, Zhan Klod Junker, përfaqësuesja e Lartë e Politikës së Jashtme, Federika Mogerini dhe eurokomisari për Zgjerim, Johanes Han e përshëndetën ratifikimin e marrëveshjes së Prespës në Kuvendin e Greqisë.
“Me gëzim përshëndesim hapin më të ri dhe përfundimtar të ratifikimit të Marrëveshjes së Prespës, me votimin e sotëm në Kuvendin e Greqisë.
Që nga fillimi Bashkimi Evropian e ka mbështetur fort marrëveshjen historike të nënshkruar nga kryeministrat Zaev dhe Cipras, në negociatat nën kujdesin e OKB-së. Të dy vendet e kanë shfrytëzuar këtë mundësi unikate e cila paraqet shembull për pajtim në Evropë si përgjithësi dhe do të jep nxitje shtesë në perspektivën evropiane në rajon.
Me gëzim i presim hapat e radhës procedurale që do të çojnë në zbatimin e plotë të marrëveshjes, me siguri mund të themi se Athina dhe Shkupi nënshkruan faqe të re të së ardhmes tonë të përbashkët në Bashkimin Evropian”, thuhet në urimin e përbashkët nga Junker, Mogerini dhe Han.