Kryetari i Bashkisë Bulqizë Lefter Alla ka iniciuar një fushatë solidariteti midis qytetarëve në mbështetje të familjeve në nevojë brenda territorit të kësaj bashkie. Në kuadër të masave kundër COVID-19, ai ka qenë i pari që ofroi paketa me ushqime për 20 familje, duke i shpërndarë ato përmes ekipeve të angazhimit të ngritura dje nga kjo bashki për përkujdesin ndaj pensionistëve.
Burime nga Bashkia Bulqizë bëjnë me dije se pakot e para të shpërndara ishin kontribut personal i kryebashkiakut Alla për të ndihmuar familjet në nevojë. Ndërkohë, vetë Alla, përmes një postimi në faqen e tij zyrtare në facebook, u ka bërë apel bizneseve dhe qytetarëve që kanë mundësi t’i bashkohen kësaj nisme për të treguar solidaritet me njëri-tjetrin në një moment kritik që po kalon shoqëria jonë.
“Një apel miqësor për çdo biznes dhe individ që ka mundësi të na bashkohet në këtë nismë. Solidariteti dhe ndihma ndaj njëri-tjetrit nuk të lodh e nuk të varfëron!”, shkuan Alla në postimin e tij.
