Prej kohësh në media thuhej se Tuna dhe Patrisi i kishin dhënë fund martesës së tyre.
Dyshja nuk ishin parë më së bashku, nuk e ndiqnin më njeri-tjetrin në Instagram, këngëtarja nuk mbante më mbiemrin e partnerit në Instagram dhe madje festën e Shën Valentinit e kaluan të ndarë.
Mirëpo, këto aludime u hodhën poshtë kur këngëtarja publikoi në InstaStory një video ku tregonte se Patrisi ishte në shtëpi së bashku me të voglin e tyre, Tianin dhe po kalonin një ditë të këndshme si familje.
Madje, ata janë izoluar për shkak të situatës së koronavirusit të përhapur në mbarë botën, ndërsa Tuna ka treguar se karantina e tyre po shkon në mënyrë “perfekte”.
Patrisi e ndihmon shpeshherë partneren të gatuajë në shtëpi, ndërsa këngëtarja ka ndarë pamjet në InstaStory.
“Receta e ditës: Hyn në internet dhe zgjedh një recetë. E merr burrin, e shtin në kuzhinë dhe… voilaaa!”- shkruan ajo, duke lënë të kuptohet se është Patrisi ai që e ka përgatitur ushqimin.
Këto pamje tregojnë se gjërat mes çiftit po shkojnë “vaj” dhe ata po e shijojnë më shumë se kurrë kohën me njëri-tjetrin.
Megjithëse gjatë kësaj kohe Patrisi u përpoq ta mohonte ndarjen nga Tuna, të vetmet që i mohuan totalisht lajmet e ndarjes ishin videot e tyre në rrjete sociale.