Michael Jackson konsiderohe si “Mbreti i Popit”, por jeta e tij fsheh sekrete të tmerrshme. Kjo paraqitet në një dokumentar katër orësh që do të transmetohet së shpejti nga HBO. Në të shfaqen dëshmitë e dy meshkujve, të cilët thonë se janë abuzuar seksualisht nga ana e këngëtarit të njohur, kur kanë qenë fëmijë.
Ëade Robson thotë në dokumentar se është abuzuar seksualisht nga Jackson, nga mosha 7 deri në 14 vjeç. Personi tjetër që akuzon këngëtarin e njohur, është James Safechuck, që thotë se edhe ai është abuzuar seksualisht kur ka qenë fëmijë, nga Jackson.
“Ne nuk mund të ndryshojmë atë që na ndodhi dhe ne nuk mund të bëjmë asgjë për Michael,” tha Robson.
Por ai shtoi se shpreson që të mbijetuarit e tjerë të abuzimeve seksuale të Jackson, të ndjehen më pak të izoluar dhe të rrisin ndërgjegjësimin për këdo që është abuzon me fëmijët. Safechuck shtoi se ata nuk ishin paguar për të marrë pjesë në dokumentar, dhe as nuk prisnin të merrnin ndonjë gjë nga ai.
Përfaqësuesit e Jackson thonë se akuzat janë të pavërteta.
“Filmi ka akuza të pabazuara që supozohet se ka ndodhur 20 vjet më parë, dhe i trajton ato si fakt”, thuhet në një deklaratë të përfaqësuesve të Jackson.
Në deklaratë thuhet se dokumentari mbështetet në tregimet e dy burrave, duke injoruar dëshmitë e të tjerëve, që kanë thënë se Jackson nuk ka akuzuar kurrë me fëmijët. Michael Jackson pati një gjyq në vitin 2005, për abuzime seksuale me fëmijët.
Por ai u shpall i pafajshëm, dhe një prej dëshmitarëve që foli në mbrojtje të tij, ishte pikërisht Robertson, që sot thotë se Jackson ka qenë një përbindësh që ka përdhunuar dhjetëra fëmijë. Robson tha atëhere se kishte fjetur shumë herë në dhomën e Jackson, por ai nuk e kishte përdhunuar atë kurrë.
Safechuck bëri deklarata të ngjashme në atë kohë. Pastaj, në 2013, kur Jackson kishte vdekur, Robson ngriti një padi, ku thoshte se se stresi dhe traumat e kishin detyruar atë të fshihte të vërtetën, se ai ishte abuzuar seksualisht nga Jackson. Safechuck ngriti një padi të ngjashme vitin e ardhshëm. Të dy paditë u hodhën poshtë për arsye teknike dhe një gjyqtar nuk i vlerësoi akuzat.
