Emina Cunmulaj si pjesa më e madhe e njerëzve në botë është vendosur në karantinë me familjen e saj.
Në një lidhje me emisionin “Opinion” mbrëmjen e të enjtes ajo rrëfeu se si po i kalon këto dy javët në izolim me vajzat e saj dhe bashkëshortin.
Ajo pohoi me shaka se izolimi ka filluar t’i vijë në majë të hundës, shpreson se do kalojë sa më shpejt. Emina shtoi se kohën e kalon me vajzat, duke u ushtruar fizikisht apo duke u marrë disa orë në ditë me skulpturë, kur vajzat flenë. Modelja po ashtu zbuloi edhe një detaj të veçantë për bashkëshortin e saj dhe bizneset e tij. “Burri im ka 15 mijë punëtorë në gjithë botën dhe i ka mbyllur për momentin. Disa restorante janë lënë të hapura, por vetëm për delivery. Ai është zemërmadh dhe është organizuar t’u japë punëtorëve një muaj pagesë falas dhe produkte ushqimore”, u shpreh ajo, duke marrë edhe komplimentet e Fevziut, i cili tha se duhen shumë biznesmenë të tillë në rastet kur njerëzit kanë nevojë.