I ka ardhur e papritur pyetja se si kanë ndikuar tek ai vetë personalisht dy ngjarjet e rënda që kanë goditur vendin që nga nëntori e deri sot, por kryeministri Edi Rama tha se tërmeti dhe pandemia e koronavirusit kanë shkaktuar te ai një pagjumësi kronike.
Teksa tha se të tjerat nuk i ka menduar, në intervistën në Vizion Plus, shefi i qeverisë nënvizoi që ndien gjithashtu një energji ekstra për të rezistuar.
Si kanë ndikuar tërmeti e pandemia e koronavirusit tek ju personalisht, a jua kanë ndryshuar jetën?
Rama: Kanë ndikuar në formën e një pagjumësie kronike tanimë edhe në formën e një prodhimi të energjisë ekstra për të rezistuar.
Për të tjerat se di se kam menduar e s’është koha për të bërë këto konkluzione, por për të luftuar cdo orë, cdo ditë e cdo natë.
