I besuari i Presidentit Amerikan në bisedimet Kosovë-Serbi, Richard Grenell, në një intervistë për Emisionin Pressing të T7 ka zbuluar detaje të bisedave me Kryeministrin në dorëheqje Albin Kurtin duke thënë se ai i kishte premtuar heqje të taksës.
“Ai më pa në sy dhe tha se ata do ta largojnë taksën” ka thënë Grenell dhe shtoi se “taksa prej 100 për qind që është zbatuar para Kurti ka qenë duke i dëmtuar ekonominë dhe popullin e Kosovës më së shumti”
“Prandaj, për ne nuk ka kuptim që të ketë politika që janë duke e dëmtuar ekonominë, që nuk i lejojnë bizneset të lëvizin përpara dhe të krijojnë vende pune. Kjo i prek të rinjtë që duan vende pune dhe kur politikat e dëmtojnë vetë ekonominë, nuk duhet të pritet nga ne, Shtetet e Bashkuara, që të vazhdojmë t’i përkrahim politikat që janë duke i dëmtuar njerëzit dhe aktivitetin e krijimit të vendeve të punës” ka shtuar Grenell.