Bashkisë Bulqizë i është bashkuar sot edhe deputeti i demokrat Halil Jakimi, i cili pati pranuar mandatin nga lista shumë emërore në prill të vitit të kaluar.
Sipas një njoftimi të bërë publik edhe në faqen e Bashkisë Bulqizë, deputeti Jakimi ka dërguar ndihma ushqimore për 12 familje në nevojë në zonën e Shupenzës dhe Gjoricës
Vlen të theksohet fakti se kriza që ka pushtuar vendin ka thyer një pjesë të konsiderueshme të barrierave politike, ku si rrallë ndonjëherë në politikën shqiptare, Bashkia Bulqizë e ka pasqyruar kontributin e deputetit të djathtë në faqen e saj zyrtare në facebook.
Kujtojmë se më herët kjo nismë u iniciua nga kryebashkiaku Lefter Alla, i cili me kontribut individual ndihmoi rreth 100 familje në njësi të ndryshme administrative të Bashkisë Bulqizë.
Në njoftimin e bashkisë Bulqizë thuhet: “Bashkia Bulqizë vlerëson kontributin e z.Jakimi dhe fton të gjithë bizneset dhe qytetarët t’i bashkohen nismës për t’iu gjendur pranë familjeve në nevojë.”