Gjendet në banesën e saj e pajetë 41-vjeçarja , dyshonte se ishte prekur nga koronavirusi. Vëllai nuk mundi të bënte asgjë
Valeria quhet gruaja që shihni në foton më lart, vetëm 41 vjeçe, e cila u gjet e vdekur në banesën e saj në Castelverde, në provincën e Kremones.
Sipas mediave italiane, prej disa ditësh ajo kishte ethe dhe kollë të vazhdueshme, për këtë ajo ishte vetëizoluar me dyshimin se mund të ishte infektuar nga koronavirusi.
Kur vëllai i saj shkoi ta vizitonte në shtëpi për ta pyetur nëse kishte nevojë për ndonjë gjë, e gjeti pa jetë. Ambulanca nuk mundi të bënte asgjë.
Covid-19 dyshohet se i mroi jetën, por analizat do të jenë në gjendje t’i përgjigjen këtij dyshimi.
Valeria Circo njihej nga të gjithë në qytet, e për të flasin se ishte e dashur dhe e donin shumë miqtë dhe të afërmit.
Ajo ishte në kontakt me familjen çdo ditë, por kur nuk u përgjigjej më telefonatave të vëllait, ai shkoi në shtëpinë e saj, për fat të keq e gjeti të vdekur.
Në provincën e Kremones, sipas buletinit të fundit të azhurnuar të shtunën 28 Mars, ka 3,605 raste pozitive me koronavirus.