Gjatë ditës së sotme policia mësohet të ketë shoqëruar në Komisariat një prej protestuesve të Unazës së Re. Sipas informacioneve banorët, të shoqëruar edhe nga deputetët e opozitës kanë marshuar drejt Komisariatit numër 2.
Ata kërkojnë lirimin e protestuesit dhe hedhin thirrje kundër Policisë. Ata thonë se s’do të largohen prej andej pa marrë me vete edhe protestuesin e arrestuar.
“Ose lironi Besnikun, ose lironi zyrat”, “O besnik, o hero gjithë Unaza ty të do”. Janë këto thirrjet që kanë hedhur banorët e Astirit.
Bashkë me protestuesit janë edhe deputetë të Partisë Demokratike, të cilët prej më shumë se 80 ditësh janë në krah të banorëve që protestojnë në mbrojtje të shtëpive të tyre.