Kreu i LIBRA-s, dikur ish ministër e deputet i PS-së, ka dhënë arsyet se përse Edi Rama nuk futi në listat e kandidatëve për deputet, disa nga “senatorët” e selisë rozë.
Në një postim në rrjetin social, Blushi shkruan se Arta Dade u largua nga Rama, pasi ajo kërkoi që të kishte zgjedhje brenda PS-së, ndërsa emra si Namik Dokle, Valentina Leskaj etj, u larguan si njerëz që nuk miratuan kanabizimin e PS-së.
Statusi i Blushit për kolegët e tij
PËR MIQTË QË NUK DO JENË NË PARLAMENT
Disa kolegë dhe miq me të cilët kemi ndarë vite te veshtira nuk do jenë në Parlamentin e ardhshëm. Arta Dade u largua sepse kërkoi zgjedhje brenda partisë, por edhe Namik Dokle, Vali Leskaj, Luljeta Arapi, Pirro Lutaj,Arben Cuko,Namik Kopliku,Vehxhi Mucmata,Erjeta Alhysa, Ylli Zicishti, Anila Agalliu, Eduart Bejko, Lad Kosta,u hoqën nga Rilindja si njerëz që nuk miratuan kanabizimin e Partisë Socialiste. Unë i uroj atyre mbarësi dhe dua ti them se e keqja është e përkohshme, dinjiteti është i përhershëm. /TiranaNews/