Parlamenti Europian i ka ofruar qytetit të Brukselit përdorimin e një prej ndërtesave të saj, si dhe automjeteve të saj, për të ndihmuar në luftën kundër koronavirusit. Klaus Welle, sekretari i përgjithshëm i Parlamentit Europian, bëri ofertën të mërkurën, sipas zëdhënësit të Parlamentit Jaume Duch Guillot.
Ai tha se ideja është të lejojmë autoritetet e Brukselit të përdorin ndërtesën e Helmut Kohl në Sheshin de Meeus (afër ndërtesës së saj kryesore), si dhe rreth 100 vetura dhe automjete të tjera. “Presidenti i Parlamentit David Sassoli dhe shërbimet e tij kanë ekzaminuar për disa ditë se si Parlamenti mund të ndihmojë”, i tha Duch Guillot agjencisë së lajmeve Belga, citon revista “Politico.eu”.
“Ndërtesa mund të përdoret si spital ose vendbanim i përkohshëm për njerëzit që kanë nevojë për kujdes. Shoferët mund të ndihmojnë në bartjen e ushqimit ose ilaçeve”. Ndërtesat e Parlamentit janë kryesisht bosh pasi Sassoli mori masa për të ndaluar përhapjen e koronavirusit, duke përfshirë ndalimin e vizitorëve dhe dërgimin e shumicës së stafit në shtëpi.