Ish deputeti socialist Arben Isaraj, njëkohësisht zëvendësministër i Rendit Publik ka reaguar në lidhje me akuzat se Bujar Sheshi, që njihet dhe si prokuror i çështjes Meta–Prifti, ka qenë agjent i Sigurimit të Shtetit. Shehi kaloi procesin e vettingut si prokurori i Apelit të Krimeve të Rënda dhe u bë pjesë e Këshillit të Lartë të Prokurorisë. Duke ironizuar Partinë Demokratike në lidhje qëndrimet e saj Isaraj shkruan:
Para dy orëve ishin Spiuni, se “kapën” pas 40 vjetëve bashkëpunëtorin e sigurimit, “njeriun” e Ramës, që ka punuar nga afër me mbi gjashtë prokurorë të Përgjithshëm.
Pas dy orëve bënë Sapunin, për lavazh truri se kuptuan që kishin bërë vetëvrasje politike, pasi ky nuk ishte “njeriu” i Ramës por “armiku” i Ramës.
Me këta Majmunë, që për dy orë bërtasin njëherë poshtë Bujari e pastaj rroftë Bujari, duket se PD-ja po vazhdon një rrugë “për së mbari”.