Pak kohë më parë, këngëtarja e njohur Çiljeta Xhilaga vendosi të ndërrojë fenë e saj, duke u kthyer nga e krishterë në muslimane.
Këngëtarja nisi të falej në xhami, mbante Ramazan dhe në tetor të vitit që lamë pas fshiu edhe tatuazhin në formë kryqi në këmbën e saj.
Pikërisht fshirja e këtij tatuazhi hapi polemika të mëdha në rrjet.
Disa e mbështetën Çiljetën për këtë veprim, ndërsa të tjerë e panë si gjest të pavend duke i thënë se po bënte mëkat.
Mirëpo, pavarësisht se ka kaluar kohë, ky tatuazh duket se vazhdon ta shqetësojë po njësoj këngëtaren.
Ditën e sotme, ajo ka ndarë në InstaStory disa poza të vjetra dhe çuditërisht e ka mbuluar tatuazhin e saj në këmbë me emoji, si të ishte diçka e turpshme apo e sikletshme.
Vlen të theksojmë faktin se ne jemi një vend me tolerancë fetare dhe askush nuk paragjykohet nëse ndryshon fenë e tij.
Me kalimin e viteve, njeriu ndryshon ashtu siç mund të ndryshojë besimi i tij, ndaj ndërrimi i fesë nuk është aspak mëkat që duhet të “fshihet” nga të tjerët.
Ndaj, ky veprim i Çiljetës na u duk disi i pavend në këtë rast!/ iconstyle/
