Besoj e keni vënë re të gjithë kiminë që kanë dy aktorët e “Portokalli”, Arjola Demiri dhe Irgen Çela në interpretimin e tyre tek “Çifti i lumtur”. Edhe pse prej pak kohësh në spektaklin e humorit, Arjola është përshtatur më së miri me kolegët e në mënyrë të veçantë me atë që ndan skenën, Irgenin.
Gjatë kësaj kohe në karantinë ajo ka zgjedhur tju kthejë disa përgjigje ndjekësve në Instagram përsa i përket pëlqimeve. Mësuam që është 1.85 metra e gjatë, mund të martohet me basketbollistin e saj të preferuar, pëlqen filmin dhe teatrin, aktoren Charlize Theron por përgjigja ku u ndalëm ne lidhet me aktorin e preferuar në “Portokalli”.
Mesa duket është pikërisht ai, Irgen Çela, kolegu me të cilin interpretoi edhe në filmin “I love Tropoja”. Ndryshe nga një përgjigje diplomatike te tipit: ” Të gjithë aktorët e “Portokalli” janë të mirë”, Arjola zgjidhi të preferuarin…atë: “Shpirtin”, “Mirin”, “Xhodën”, “Babin” dhe atë që mban “Portokalli”-në (siç thotë Ermal Mamaqi).
