Gazetarja e njohur, Fiori Dardha tregoi me anë të një postimi në rrjetet sociale në ditët e para të vetizolimit se këtë periudhë kishte vendosur ta kalonte larg djalit të saj, Abel, për shkak se ajo vetë ishte në kontakt me shumë njerëz në punë.
Dardha ka publikuar së fundmi një foto ku shfaqet duke folur në kamer me djalin e saj, duke shtuar se u bë 1 muaj tashmë që nuk e ka takuar.
“Fiks 1 muaj sot pa të përqafuar!! Vetëm unë e di, se si rezistoj që të mos turrem me vrap e të të pushtoj me krahët e mi kur të shoh që del tek dera (në momentin që sjellim ushqimet). Një Zot e di se si e mbaj veten të mos vij tek ti, kur më përkëdhelesh dhe më dërgon puthje në videocall! Sa e sa herë e kam mbyllur telefonin (me preteksin, se mbaroi bateria) që ti mos të më shohësh në lot! Është një torturë e vërtetë, por do bëjmë durim! Durim për të mbrojtur nënën dhe gjyshin, pa të cilët Abeli nuk rri dot! Sakrifikojmë sot për t’i patur sa më gjatë pranë nesh! Të dua Abel!
P.S: Abeli qëndron me gjyshërit (nuk pranon të largohet prej tyre) dhe ne nuk duam të rrezikojmë, duke qenë se jemi çdo ditë në kontakt me persona të tjerë”, ka shkruar Fiori krah këtij postimit në rrjetet sociale.
Me siguri kjo periudhë nuk duhet të jetë aspak e lehtë për gazetaren e cila për shkak të sigurisë ka zgjedhur të qëndrojë larg më të dashurit të saj, djalit të vogël, Abel.