Edvin Murati është një nga lojtarët më të mirë të epokës së tij në kombëtaren tonë, teksa gjatë karrierës ka provuar të veshë edhe fanellën e PSG-së. Në një intervistë për Super Sport në emisionin “Fan Zone”, ish-sulmuesi kujton të shkuarën, propozimin e Dukës për trajner në kombëtaren kuqezi dhe lojtarët e kombëtares sonë që mund të ishin të suksesshëm në Francë.
PROPOZIMI PËR DUKËN- Posti i trajnerit është një post trajner-politk. I kam propozuar trajner francez. presidentit Duka i kam propozuar trajner si Luis Fernandez, por dëshira e presidentit ka qenë italian.
KUJTIMET ME KOMBËTAREN- Të gjithë mbajnë mendje me Greqinë, por kemi pasur shumë ndeshja të bukura me kombëtaren. Atëherë unë luaja në Greqi dhe janë momente të veçanta që kur i sheh, ndihesh krenar. Ka shumë ndeshje, me Greqinë, me Zvicrën kur shënova, me Anglinë, apo me Gjermaninë. Kemi pasur shumë ndeshje të bukura, por më e veçanta mbetet ajo me Greqinë.Ishim një ekip shumë i mirë atëherë, kishim 6-7 vite që luanim bashkë. Kemi qenë mirë, por më i miri ngelet ai që shkoi në Europian.
SHQIPJA TE FËMIJËT- Gruaja mundohet t’i mësojë fëmijëve shqip edhe pse është shumë vështirë. Djali ka mësuar shqip, ndërsa gocat më pak.
TURNEU I BAMIRËSISË- Ishte kënaqësi që ishim bashkë, por tani është edhe fillimi i Sindikatës së Futbollistëvve. Do mundohem të bëjmë ndeshje me Francën dhe pas koronavirusit të luajmë sërish për të ndimuar sërish.
PSG DHE PSEUDONIMI– Maradona i Ballkanit? Në Greqi, kur luaja, më thërrisnin. Tifozët e Iraklis, pasi isha mirë teknikisht. PSG është ekipi im i zemrës. Kur erdha këtu, ishte ekipi që më ndihmoi. Isha vetëm 15 vjeç dhe u jam mirënjohës. Tani banoj 200 metra larg fushës së tyre të stërvitjes. I ndjek dhe do jem përherë me ta.
DJEMTË E KOMBËTARES NË FRANCË- Niveli këtu shumë i lartë, por mendoj se Strakosha mund të luajë. Besoj shumë te Ismajli, që mund të luajë, gjithashtu edhe Bare. Kemi një lojtar që luan në Ligue 2 si Qazim Laçi, por është edhe fat e varet nga kërkesat e klubeve.