Disa analiza të fundit të kryera nga studiuesit italianë dhe amerikanë kanë treguar se koronavirusi ka pësuar mutacione.
Studiuesit nga Universiteti i Maryland, Robert Gallo dhe italiani Davide Zella së bashku me një ekip nga Kampusi Biomjekësor kanë vrojtuar përbërjen ARN-së së virusit, zbuluan variante që potencialisht do ta bënin atë më ngjitës. “Faji” sipas tyre qëndron tek një enzimë e domosdoshme për përsëritjen e virusit të quajtur polimerazë (ARN).
Ata kanë analizuar 220 gjene të viruseve, në mesin e mijëra sekuencave, por studiuesit italianë dhe amerikanë e kanë përqendruar vëmendjen në mutacionin e enzimës polimerazë.
“Në bazën e të dhënave tona, shfaqja e parë e këtij mutacioni është më 9 shkurt në Britaninë e Madhe, kur është regjistruar nga OBSH një rritje dramatike me pacientët e infektuar në Evropë,”- kanë thënë ata.
Sipas tyre, ky ndryshim në gjen, jo vetëm që bën më ngjitës virusin por e bën atë edhe më të paqëndrueshëm.
Ata shprehen se nëse Covid-19 vazhdon të ndryshojë edhe pak tiparet e tij, ekziston rreziku i që ai të bëhet i panjohshëm për kujtesën e sistemit imunitar te njerëzit që janë shëruar ose vaksinuar. Duke bërë që ata të preken sërish duke i bërë kështu vaksinat dhe terapitë të padobishme. Shumë nga antiviralët që përdoren sot në spitale përpiqen të neutralizojnë enzimën e polimerazës.
Rreth 2 milionë njerëz në botë janë prekur nga COVID-19. Në të gjithë botën kanë humbur jetën 123,404 persona dhe 462,433 të tjerë kanë fituar betejën me COVID-19 Vendet më të prekura janë SHBA, Italia, Franca, Spanja dhe Kina. Në Amerikë deri më tani janë shënuar 25,195 viktima dhe persona 603,496 janë prekur nga virusi.Virusi është përhapur gjerësisht edhe në Europë. Numri i viktimave në Itali ka shkuar në 21,067. Në këtë shtet janë aktualisht të infektuar 162.488 persona. COVID-19 po bën ‘kërdinë’ edhe në Spanjë, pasi aty kanë humbur jetën 18,056 persona dhe janë të infektuar 172,541 të tjerë.