Periudha e pandemisë nuk e ka penguar firmën e ndërimit të vijojë punimet në Rrugën e Arbërit. Në kilometrin e 30-të të rrugës ka përfunduar ndërtimi i urës gjigande.
Janë vendosur elementët e fundit që bashkojnë dy anët e maleve, 152 metra lartësi mbi lumin e Matit. Kjo urë është e gjatë 316 dhe bashkon tunelet 4 e 5 me njëri-tjetrin. Bashkon fshatin Fshat me Planin e Bardhë, fshatra këto të bashkisë së Klosit.
Në këtë urë janë kryer 57 mijë metër kub gërmime në shkëmb, në një terren jashtëzakonisht të veshtirë. Gjithashtu janë 19 mijë metër kub mbushje, 11 mijë metër kub betonime, 1100 ton hekur betoni. 2200 ton është pjesa e konstruksionit metalik. Ndërtimi i kësaj ure është një rast tepër unik për urat në Shqipëri, por ndoshta edhe në rajon.
Afro një kilometër larg urës moderne ndodhet Ura e Vashës. Ajo i përket shekullit të 18-të.
