Moderatori i njohur shqiptar Blendi Fevziu duket se është mërzitur nga karantina në kryeqytet dhe është nisur drejt jugut të vendit.
Në rrjetin e tij social në Instagram, Fevziu ka postuar një video buzë detit ku edhe ka pikasur një pulëbardhë. Nuk dihet nëse pamjet e publikuara janë të xhiruara më parë, por nëse jo moderatori ka rënë “kokë e këmbë” ndesh me këshillat që u jep qytetarëve gjatë emisionit të tij.
Gjatë gjithë kohës, Fevziu kërkon që qytetarët të qëndojnë në shtëpi dhe të dalin vetëm në raste emergjencash dhe furnizimesh për ushqime, por mesa duket këshillat që jep nuk i zbaton as vetë.
Ndërkohë që Policia ndjek këmba-këmbës qytetarët e thjeshtë, të njëjtin trajtim nuk e marrin “VIP-at”, të cilët kanë filluar që të shijojnë bregdetin. Pak më parë Arbana Osmani postoi buzë plazhit, Romeo Veshaj dhe Jonida Maliqi organizuan një darkë romantike buzë detit, ndërsa Françeska Jaçe jo vetëm që shkeli karantinën por edhe gjeti lokal hapur për të “kthyer” një gotë verë. Megjithatë edhe pse në shkelje asnjë prej tyre nuk është ndëshkuar, pasi mesa duket rregullat e karantinës aplikohen vetëm për njerëzit e thjeshtë.
