Duket se shprehja e “plakave” ka zënë vend këtë javë në Shqipëri teksa kushtet e motit këtë javë nuk janë aspak të favorshme. E hëna ka nisur me vranësira dhe pritet të ketë reshje gjatë gjithë javës, të paktën deri të premten.
Sherbimi Meteorologjik Ushtarak ben me dije se e hena dhe e marta do te jene pergjithseisht me reshje, nderkohe qe diten e merkure ne zonat e thella do te shenohen edhe reshje bore.
Ja parashikimi sipas SHMU
Ditën e hënë reshjet e shiut do të bëhen prezente në orët e pasdites me intensitet të ulët.
Ditën e martë reshjet e shiut do të jenë prezente që në orët e para të 24-orëshit, me intensitet deri mesatar. Në orët e mesditës në jug dhe në qendër reshjet e shiut do të jenë prezente të herëpasherëshme me intesnitet të ulët, ndërsa në veri do të mbeten me intensitet deri mesatar.
Ditën e mërkurë dhe të enjte reshjet e shiut do të jenë të herëpasherëshme me intensitet të ulët në veri dhe në qendër, ndërsa në jug reshjet mbeten me intensitet deri mesatar. Reshjet e borës do të rikthehen përsëri në zonat malore në lartësinë mbi 1300 metra me intensitet të ulët.
Ditën e premte priten përmirësime të kushteve meteorologjike, ku orët me diell do të mbizotërojnë në pjesën më të madhe të vendit.
E gjithë kjo situatë do të shoqërohet me erë kryesisht ditën e mërkurë dhe të enjte nga lindja-verilindja 2-10m/s, e cila përgjatë vijës bregdetare do të fitojë intensitet deri në 20m/s.
Në fushën termike vlen të theksohet dita e enjte dhe e premte ku pritet një rënie e temperaturave.
Gjatë javës do të kemi parashikime më të specifikuara.
Së bashku do t’ia dalim!