Presidenti amerikan Donald Trump bëri të ditur se do të firmosë një urdhër për të pezulluar përkohësisht të gjithë emigracionin në SHBA për shkak të koronavirusit.
Ai foli në Twitter për “një armik të padukshëm”, siç dhe e quan virusin, dhe nevojën për të mbrojtur punën e amerikanëve, por pa dhënë më shumë detaje.
Sipas BBC, nuk ishte e qartë se cilat programe mund të preken dhe nëse presidenti do të nxjerrë urdhrin. Kritikët thonë se qeveria po përdor pandeminë për të goditur emigracionin.
Deklarata e Trump vjen pasi Shtëpia e Bardhë argumentoi se më e keqja ka kaluara dhe mund të fillojë rihapjen. SHBA kanë mbi 787 mijë raste të konfirmuara të vdekjeve të COVID-19 dhe më shumë se 42 mijë vdekje, sipas raportimit të Universitetit John Hopkins.