Kreu i Kuvendit Gramoz Ruçi ka firmosur urdhrin për seancën e radhës të Parlamentit, i cili do të mblidhet sërish më 23 prill.
Mësohet se dhe kjo seancë do të shoqërohet me masa të rrepta, si pajisja e deputetëve me maska dhe doreze, si dhe matja e temperaturës në hyrë të sallës se seancave.
Edhe në këtë seancë nuk do të lejohet pjesëmarrja e mediave në sallën e Kuvendit, por as në ambientet e jashtme të oborrit. Transmetimi do të bëhet me anë të regjisë së RTSH-së.
“Ju njoftoj se seanca plenare do të zhvillohet ditën e enjte, datën 23 prill, ora 10.00. (Urdhër Nr 19. Dt 21.2020) i Kryetarit të Kuvendit, z. Gramoz Ruçi.)
Procedurat e transmetimit do të jenë të njëjtat me ato të seancës së 16 prillit: makinat do të hyjnë dhe sinjalin do ta marrin nga RTSH. Ju lutem, kujdesuni që të jenë vetëm makinat që janë të akreditura. Kamera nuk do ketë, as në oborr, as gazetarët në sallë”, thekson drejtoria e komunikimit në Kuvend.
