Këngëtarja Orgesa Zaimi zbuloi se dyshon të ketë qenë mbartëse e virusit, pak kohë para shpërthimit të pandemisë në Shqipëri
Orgesa tha se gjatë muajit shkurt të gjithë familjarisht përjetuan simptomat e covid-19 pasi sipas saj simptomat kanë qenë të njëjta me ato që deklarohen në media nga autoritetet shëndetësore.
“Ne në periudhën e Shkurtit kemi qenë shumë të sëmurë. Kemi kaluar sëmundje familjarisht dhe rrjedhimisht ia kaluam dhe gjyshërve. Kam një bindje që ne mund ta kemi kaluar në Shkurt koronavirusin, të gjithë si familje.
Kemi pasur simptomat, temperaturën dhe simptomat e gripit. Përfunduam të gjithë me antibiotikë. Kam një përshtypje që ne duhet ta kemi kaluar në shkurt se s’bën. Tani jemi të gjithë mirë, të shëndetshëm. Nuk kemi asnjë simptomë gripi, dhe na ka ndihmuar shumë kjo periudha në shtëpi.”- shpjegoi këngëtarja.